Білім ордасы
Білім ордасы
Айдарлы орта мектебі 1944 жылы бастауыш мектеп болып ашылды, алғашқы мектеп меңгерушісі Нұрбопаев Жүмәділ тағайындалып, бастауыш пән мұғалімдері Ратаева Айтбүбі,Уалиева Қалиман,Бижанов Сұлтан сынды ұстаздар білім нәрін берді.1950 жылы бастауыш мектептен 7 жылдық орыс- қазақ мектебіне айналды.Мектеп меңгерушісі болып Иманбаев Әният тағайындалып мұғалімдер қатары көбейді.Олар: Уалиева Қалиман, Ратаева Айтбүбі, Калиева Бәттәй жетекшілік етті.1952 жылы 7 жылдық мектеп 10 жылдық болып қайта ұйымдастырылды. Мектеп директоры Ұлы Отан соғының ардагері Бижанов Сұлтан болды.Осы жылы мектептің алғашқы 12 түлегі мектепті бітірді. Олар: Ж.Айдарбекова, Д. Ысқақова, А.Жарасбеков , А. Бексұлтанов, А. Жармұхамбетов Б. Аралбаева, Ә.Нұрбопаева,О.Манасбекова, Р.Аділбекова, А.Мұқаева,М.Уалибаев.7 жылдық орыс- қазақ мектебінің алғашқы директоры Чеченин Владимир Федорович болса осы жылдары мектептің пионер жұмысын жандандырып,биіктен көрінген алғашқы пионер вожатый Әкімбеков Кеңес Әкімбекұлы болатын.7 жылдық мектеп кезінде Ванкеев Нұрбай, Жаутиков Тоқтарбек, Лепесов Сейсембай сынды өз ісіне мығым азаматтар мектеп директоры бола алды.
1962 жылдан 1983 жылға дейін мектепті Лепесов Сейсембай 20 жыл бойы басқарып, аянбай еңбек етті.Осы тұста мектеп 7 жылдықтан 10 жылдыққа ауысты. Мектептің материалдық-техникалық базасы нығайды,заман талабына сай пән кабинеттері, шеберханалар, зертханалар жұмыс істей бастады. Директордың оқу-тәрбие ісі жөніндегі орынбасарлары болып төмендегі мұғалімдер істеді.Олар Т.А. Стиба,Ө.Сабырбаев, Ә.Әкімбаева, М.Қ.Көркембаева, А.А.Жанғазиев, Б.Қ.Садықов. Осы жылдары мектеп жанынан малшылардың балаларына арналған 40 орынды мектеп- интернат үйі және асхана салынып, малшы балалары интернатта жатып оқыды. Оқу-тәрбие жұмысын өз ісіне шебер Әбдікәрім Кәрімжанұлы Сабыржанов жүргізді. Алғашқы 10 жылдық қазақ мектебін 12 түлек, орыс мектебін 16түлек бітірді.1983-1985 оқу жылдары мектепті Уалибаев Сәбиден Уалибайұлы басқарды .Мектеп 620 орынды жаңа ғимаратқа көшірілді. Мектептің материалдық- техникалық базасы жаңарды. Сабақтан тыс тәрбие жұмысының ұйымдастырушы қызметін Дәулет Әлімбеков,Гүлсім Тоқтасынқызы Әуезбекова атқарды.1985-1989 оқу жылдары мектеп директоры болып Садыков Болатбек тағайындалды.1989-1994оқу жылдары мектеп директоры қызметін Әлекеева Батима Әлекеқызы атқарды, орынбасарлары болып А.А.Берсугурова, Р.Б. Құрабалдиев, Ж.Ш. Кижикова бекітілді.1994-2000 жылдарда мектепті Гүлдрхан Әсетқызы Тышманова басқарды. Орынбасарлары болып А.А.Берсугурова, Б.Б.Кенжеахметова сайланды. 2001-2008 оқу жылдары аралығында мектепті Байділдаев Ізтай Құрманбеков басқарып келді.Орынбасарлары: Б.Қ. Алишеров, Н.А.Мұхамеджанова, Л.Т.Нұралиева болды.
2008-2009 оқу жылынан бастап бүгінгі күнге дейін мектепті ауылымыздың түлегі Берік Құдиярханұлы Алишеров басқарып отыр. Орынбасарлары: ДОІЖО - Р.М. Сарсембекова, Г.Ж.Искакова. ДТІЖО- Ә.Н. Жаңбырбаева,
2019 -2021 оқу жылында мектеп басшысы Б.Қ.Алишеров. Орынбасарлары: ДОІЖО А.А.Нұрғожаев, ДТІЖО Б.Н.Нұрмухаев, мектеп психолог-педагогы М.Н. Умбеталиева ,педагог-ұйымдастырушы С.А.Нуралиева,әлеуметтік –педагог А.Абдиева
2022-2023 оқу жылында мектеп басшысы Б.Қ.Алишеров. Орынбасарлары: ДОІЖО -А.А.Нұрғожаев , ДТІЖО- Ж.Қ.Байбатырова,мектеп психолог-педагогы М.Н. Умбеталиева, педагог-ұйымдастырушы Т.А.Балғабаева, әлеуметтік –педагог А.Абдиева, логопед-педагог Ж.Қ. Халықбекова
